Apple iPhone 4 սմարթֆոնի սպիտակ տարբերակն արդեն պատրաստ է և ցանկացած պահի կարող է հայտնվել խանութներում: Առաջին անգամ այս մասին հայտնել է Engadget տեխնոբլոգը, որը հղում է կատարել ամերիկյան մանրածախ առևտրով զբաղվող Best Buy ընկերությանը:
Ըստ այդ կայքի տեղեկությունների` սպիտակ iPhone 4-ը սպասարկելու է AT&T օպերատորը: Սպիտակ հեռախոսները կարժենան 600 դոլար, այնքան, ինչքան սև iPhone-ը: Apple-ը խոստացել էր արտադրել սպիտակ iPhone 4 դեռ 7 ամիս առաջ` 2010 թ. հուլիսին: Այնուամենայնիվ, անցյալ տարվա հունիսի վերջին «խնձորային» ընկերությունը հայտարարել է, որ սպիտակ հեռախոսների վաճառքը, որոնք առաջին անգամ ցուցադրվել են WWDC համաժողովի ժամանակ, հետաձգվում է տեխնիկական խնդիրների պատճառով:
Այնուամենայնիվ, «գունավոր» iPhone-ն էլ հուլիսին չհանվեց վաճառքի. ընկերությունից հայտնեցին, որ նրա վաճառքը հետաձգվում է մինչև 2010 թ. վերջը: Վերջապես, հոկտեմբերին ընկերությունը հայտարարեց, որ սպիտակ iPhone-ը կարտադրվի 2011 թ. գարնանը: Հետաձգման պատճառներից մեկն էլ այն է, որ այս հեռախոսների տեսախցիկները որակյալ նկարներ չեն կարող անել: Ավելի վաղ Apple-ում հայտարարել են, որ սպիտակ սմարթֆոնն ավելի դժվար է արտադրել, քան իրենք կանխատեսում էին:
