Թուրքիայի տրանսպորտի նախարար Բինալի Յըլդըրըմը հայտարարել է, որ Բաքու-Թբիլիսի-Կարս երկաթուղին հնարավորություն կտա երեք երկրներին ավելի սերտ համագործակցել:
«Երկաթգծի երկայնքով կառուցվելու է 2,5 կիլոմետրանոց թունել, 3 կամուրջ ու 12 անցում: Թուրք-վրացական սահմանին կայարան է կառուցվելու: Նախագիծն իրականացված կլինի 2012-ին, և այդ ժամանակ հնարավոր կլինի գնացքներով տեղափոխել մինչև 1,2 միլիոն ուղևոր և 3,5 միլիոն տոննա բեռ»,- ասել է Յըլդըրըմը:
Аze.az-ի փոխանցմամբ, նախարարը կարևորել է երկաթուղու տնտեսական, սոցիալական և մշակութային նշանակությունը:
Խոսելով Նախիջևան-Կարս հավանական երկաթգծի մասին՝ թուրք նախարարն ասել է, որ Նախիջևան-Կարս և Բաքու-Թբիլիսի-Կարս երկաթուղիների գործարկման դեպքում Թուրքիայի և Ադրբեջանի միջև ապրանքաշրջանառությունը կարող է հասնել 10 միլիարդ դոլարի:
