Ինչպես հաղորդում է Regnum գործակալությունը` հղում կատարելով Ookla ընկերությանը, ըստ նույն ընկերության Net Index սանդղակի՝ Հայաստանը ինտերնետի մուտքային կապուղու թողունակությամբ (ներբեռնման արագություն) աշխարհում ընդամենը 128-րդ տեղում է, իսկ տարածաշրջանում ետնապահ է: Ներբեռնման արագությունը մեր երկրում կազմում է ընդամենը 1,85 Mbps:
Այս ցուցակում առաջատարներն են Հարավային Կորեան (36,56 Mbps), Լիտվան (30,34 Mbps), Լատվիան (26,40 Mbps), Շվեդիան (25,14 Mbps), Նիդերլանդները (24,51 Mbps):
«Ինտենետ հետամնացության» առումով առաջինների շարքում են Զամբիան (0,65 Mbps), Իրանը (0,63 Mbps), Բոլիվիան (0,63 Mbps) և Զիմբաբվեն (0,39 Mbps):
Նախկին խորհրդային հանրապետությունների շարքում Հայաստանն առաջ է անցել միայն Տաջիկստանից, որը զբաղեցնում է 139-րդ հորիզոնականը:
Այս հետազոտությունները կատարվել են բաժանորդների IP-հասցեների տեստավորման արդյունքում` 2008 թ. օգոստոսից մինչև 2011 թ. փետրվար ընկած ժամանակահատվածում: