Ինչպես հաղորդում է ИТАР-ТАСС գործակալությունը, Ճապոնիայում Ռուսաստանի դեսպանատունը փոստով ստացել է մի փաթեթ, որի մեջ եղել է փամփուշտ: Փաթեթը դեսպանատուն է հասել փետրվարի 7-ին, երբ Ճապոնիայում նշվում էր Հյուսիսային տարածքների օրը, որոնց մեջ են նաև Ճապոնիայի և Ռուսաստանի միջև վեճի առարկա հանդիսացող Կուրիլյան կղզիները:
Ռուսաստանի դեսպանատունը դիմել է ոստիկանություն: Ոստիկանությունից էլ հայտնել են, որ ընթանում է նախաքննություն:
«Առաջին լրատվականը» երեկ տեղեկացրել էր, որ փետրվարի 7-ին Ռուսաստանի դեսպանատան առջև տեղի են ունեցել ցույցեր, որոնք նվիրված են եղել Հյուսասյին տարածքների օրվան: Ակցիաներից մեկի ժամանակ պղծվել էր Ռուսաստանի դրոշը, ինչին Ռուսաստանի արտգործնախարարությունը պատասխանեց շատ կտրուկ, իսկ այդ օրվա կապակցությամբ Ճապոնիայի վարչապետի ճառը` ոչ դիվանագիտական:
