ԱՄՆ նախագահ Բարաք Օբաման կոչ է արել ամերիկյան բիզնես հասարակությանը ներդրումներ կատարել ամերիկյան տնտեսության մեջ: Ըստ Օբամայի` ընկերությունների գործադիր տնօրենները պետք է մտնեն «խաղի մեջ» և սկսեն ներդրումներ իրականացնել: Այս մասին հաղորդում է Associated Press գործակալությունը:
Օբաման նաև հաշվել է ընկերությունների հաշվեկշիռներում եղած գումարները, և իր կոչում նշել 2 տրիլիոնի մասին, որը ընկերությունները կարող են ներդնել ԱՄՆ տնտեսության մեջ: «Ես ցանկանում եմ, որպեսզի ամեն ինչ պարզ լինի: Թեպետ և մենք ջանք ենք գործադրում, որպեսզի Ամերիկան դառնա ամենալավ տեղը բիզնես վարելու համար, սակայն բիզնեսն էլ պետք է պատասխանատվություն կրի Ամերիկայի առաջ»,- նշել է Օբաման:
Ըստ Օբամայի` կառավարությունը կոտրում է խոչընդոտները, որ կան երկրի հաջողության ճանապարհին, փնտրում է նոր հնարավորություններ և նոր շուկաներ բացում ամերիկյան ապրանքների համար:
Օբաման նաև ասել է, որ ԱՄՆ-ն պատրաստվում է առևտրային նոր պայմանագրեր կնքել Պանամայի և Կոլումբիայի հետ, ինչպես նաև Ռուսաստանին մտցնել միջազգային առևտրային համակարգի մեջ: