Մի շարք կարևոր որոշումներ են կայացվել G-20-ի վեհաժողովի արդյունքում: Ելույթ ունենալով ամփոփիչ մամլո ասուլիսում՝ Մեքսիկայի նախագահ Ֆելիպե Կալդերոնը հաջողված է համարել կայացած ֆորումը:
«Լոս Կաբոսի վեհաժողովը, անկասկած, հաջողված է՝ հաշվի առնելով նրա արդյունքում ձեռք բերված որոշումները»,- ասել է նախագահը։
Ֆորումում նշված են որոշակի միջոցներ եվրագոտու ճգնաժամի հաղթահարման համար: Բացի այդ, «քսանյակի» անդամները որոշում են կայացրել Արժույթի միջազգային հիմնադրամին տրամադրել 450 մլրդ դոլար` նրա հնարավորությունները ճգնաժամային խնդիրների լուծման ոլորտում մեծացնելու համար:
Ներկայիս յոթերորդ համագումարը առաջինն է, որը անցկացվել է Լատինական Ամերիկայում: Նրա շրջանակներում ռեկորդային թվով երկկողմանի հանդիպումներ են կայացել, որոնք իրականացրել են երկրների ղեկավարները:
