Երկուշաբթի Կապանում սկսեց գործել «Լամաքս-Գրուպ» ՍՊԸ-ի «Սյունիքի բարիքներ» խանութը։ Այստեղ կվաճառվի այն ամենը, ինչ է արտադրված Սյունիքում: Մսամթերթ, կաթնամթերք, մուրաբաներ, պահածոներ, գինիներ, թեյի համեմունքներ` Սիսիանից ու Գորիսից, Մեղրիից ու Քաջարանից, և իհարկե Կապանից: Նաև գյուղացիներից է ընդեղեն, ընկույզ, պնդուկ մթերվելու։
Գործադիր տնօրեն Ալյոշա Մկրտչյանի խոսքով, ի սկզբանե որոշվել էր վաճառել միայն ընկերության սեփական արտադրանքը։ Բայց հետո որոշումը փոխվեց. այստեղ վաճառվելու է սյունյաց անարատ հողի բարիքները: Սրանով նաև նախաձեռնողները նպատակ ունեն սյունեցիներին «թասիբի» գցելու, որպեսզի գնեն միայն տեղական արտադրողների ապրանքանիշերը: Բնականաբար, գները մատչելի կլինեն: Խանութի բացմամբ 8 նոր աշխատեղի հնարավորություն ստեղծվեց։ Մոտ ապագայում չի բացառվում նման խանութ բացում Քաջարանում։