Friday, 29 03 2024
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս

Թուրքի խաղը` հայի հաղթանա՞կը

Հայ-թուրքական հարաբերություններում նկատվում են նոր զարգացումներ, որոնք, սակայն, դժվար է կանխատեսել, թե ինչպիսի ելք կունենան: Փետրվարի 5-ին Անվտանգության քաղաքականության հարցերով մյունխենյան համաժողովի շրջանակներում Սերժ Սարգսյանը հանդիպել էր ԱՄՆ պետքարտուղար Հիլարի Քլինթոնի հետ, որը, անդրադառնալով Հայաստան-Թուրքիա հարաբերություններին, շեշտել էր ԱՄՆ-ի հաստատակամությունը` աջակցելու երկու երկրների միջև բնականոն հարաբերություններ հաստատելու գործընթացը շարունակելու հարցում:

Այդ հանդիպումից անմիջապես հետո թուրքական լրատվամիջոցներից մեկը, անդրադառնալով հայ-թուրքական հարաբերություններին, հայտնեց, որ Թուրքիայի Ազգային անվտանգության խորհրդի նիստի ժամանակ քննարկվել է այս տարի ապրիլի 24-ին` Հայոց ցեղասպանության զոհերի հիշատակի տարելիցի օրը, հայերի կողմից կազմակերպվելիք միջոցառումներին արձագանքելու հարցը, և արդյունքում որոշում է կայացվել ակտիվորեն մասնակցել այդ միջոցառումներին ու շփումներ հաստատել հայկական սփյուռքի, մասնավորապես Ամերիկայի հայ համայնքի հետ:

Հիշեցնենք, որ Թուրքիան այս տարի առաջին անգամ պաշտոնապես մասնակցել է Հոլոքոստի զոհերի ոգեկոչման միջոցառումներին: Թուրքական պարբերականը գրում է նաև, որ Անկարան հավատարիմ է մնալու Հայաստանի և Թուրքիայի միջև ստորագրված Արձանագրություններին: Միաժամանակ Թուրքիայի քաղաքական ուժերը, որոնք պատրաստվում են մասնակցել այդ երկրում հունիսին կայանալիք խորհրդարանական ընտրություններին, Թուրքիայի հայկական համայնքի ներկայացուցիչներին առաջարկել են ընդգրկվել նախընտրական ցուցակներում` որպես պատգամավորության թեկնածուներ:

Իսկ երեկ ԱԺ նախագահ Հովիկ Աբրահամյանը, պատասխանելով «Ժառանգություն» խմբակցության պատգամավոր Արմեն Մարտիրոսյանի հարցին, թե ժամանակը չէ՞ արդյոք, որ հայկական կողմը ետ վերցնի խորհրդարանից հայ-թուրքական արձանգրությունները և իր ստորագրությունն այդ Արձանագրության տակից, պատասխանել է, որ իր կարծիքը այդ հարցում չի փոխվել: Սա նշանակում է, որ Հայաստանի իշխանությունները շարունակում են դեռևս անցյալ տարի սկսած իրենց խաղը, այնինչ Թուրքիան չի դադարում նորանոր անակնկալներ մատուցել մեզ:

Հասկանալի է, որ պաշտոնական Անկարայի որոշումը` այս տարի ապրիլի 24-ին մասնակցել Հայոց ցեղասպանության հետ կապված միջոցառումներին, ոչ այլ ինչ է, եթե ոչ իմիտացիա, որը մի նպատակ է հետապնդում` հերթական անգամ կասեցնել ԱՄՆ նախագահի ամենամյա ուղերձում «ցեղասպանություն» բառի օգտագործումը:

Այս կոնտեքստում է պետք դիտարկել նաև Անկարայի ցանկությունը` շփումներ հաստատել ԱՄՆ հայ համայնքի հետ: Հավանաբար Անկարայում հույս ունեն այդպիսով մեղմել ամերիկահայ լոբբիի ջերմեռանդ գործունեությունը: Այն, որ Թուրքիան շարունակում է հայ-թուրքական հարաբերությունների հետագա զարգացումը պայմանավորել Ղարաբաղի հակամարտության կարգավորման հետ, երևում է ԵԽԽՎ ձմեռային նստաշրջանում թուրքական իշխանությունների հայտարարություններից, որոնցում նրանք Հայաստանին անվանեցին օկուպանտ:

Թե ինչպես են Հայաստանի իշխանությունները պատրաստվում կասեցնել Թուրքիայի հերթական դիվանագիտական խորամանկությունը, դեռևս պարզ չէ: Սակայն Հովիկ Աբրահամյանի երեկվա հայտարարություններից կարելի է եզրակացնել, որ այս անգամ ևս մեր իշխանությունները կնախընտրեն նստել ձեռքերը ծալած:

Բաժիններ
Ուղիղ
Լրահոս
Որոնում