«Առաջին լրատվականը» հետաքրքրվեց, թե որքանով է նպատակահարմար սփյուռքահայերին Հայաստանի ներքին կյանքին, օրենսդրության մշակմանը մասնակից դարձնել այն դեպքում, երբ կեղծված ընտրությունների, Մարտի 1-ի սպանդի, քաղբանտարկյալների առկայության մասին Սփյուռքից արձագանքեցին միայն քչաթիվ մարդիկ: Եվ, առհասարակ, սփյուռքահայերի մեծ մասին ավելի շատ մտահոգում են Ցեղասպանության ճանաչման և Հայ դատի խնդիրները, քան Հայաստանի ժողովրդավարության վիճակը:
«Ես կողմ էի, որ Լևոն Տեր-Պետրոսյանը հետ չգար: Սակայն ես դեմ եմ բռնություններին, որոնք եղան, և մարդկային արյուն հոսեց, ինչը շատ ցավալի էր: Պետք է օպոզիցիան ձևեր գտնի, մի սեղանի շուրջ նստեն երկխոսության»,- ասաց Արտեմ Հարությունյանը:
Հետո նա նշեց, որ, երբ ինքը վերջերս եղել է ԱՄՆ-ում, այնտեղի հայերի շրջանում մեծ սրտացավություն է տեսել հայաստանցիների նկատմամբ: Արտեմ Հարությունյանը համաձայն է, որ ժողովրդավարությունը բարգավաճում կբերի Հայաստանին: