Ինչպես հաղորդում է «DW-WORLD»-ը, Գերմանիան պատրաստ է ընդունել Եգիպտոսի նախագահ Հոսնի Մուբարաքին: Այս մասին հայտարարել է իշխող Քրիստոնեադեմոկրատական կուսակցության գլխավոր քարտուղար Ռուփրեխթ Փոլենցը:
The New York Times-ը գրել էր, թե տարբերակ կա, որ Մուբարաքը կարող է մեկնել Գերմանիա բուժման և այդ պատրվակով հրաժարվել նախագահի պաշտոնից:
Փոլենցը նաև ասել է, որ Գերմանիան կարող է ընդունել Մուբարաքին թեկուզ և մարդասիրական մղումներով: Միաժամանակ նա նշել է, որ օտարերկրյա պետությունները չպետք է ճնշում գործադրեն Եգիպտոսի իշխանությունների վրա, իսկ վերջինիս ժողովուրդն ինքը պետք է իր ապագան ընտրի:
