Հունիսի 15-ին ՀՀ դեսպան Վահագն Մելիքյանը հանդիպել է Արգենտինայի դաշնային դատավոր Նորբերտո Օժարբիդեի հետ:
ՀՀ ԱԳՆ մամլո գրասենյակից «Առաջին լրատվական»-ին հայտնում են, որ դեսպան Մելիքյանը շնորհակալություն է հայտնել արգենտինյան դատավորից համամարդկային արժեքների պաշտպանության հանդեպ իր ցուցաբերած հավատարմության, քաջության և քաղաքացիական կեցվածքի համար:
Նորբերտո Օժարբիդեն իր հերթին նշել է, որ միշտ համակրանք է ունեցել հայ ժողովրդի նկատմամբ, սակայն արգենտինահայ Գրեգորիո Հայրապետյանի և մի շարք հայկական կազմակերպությունների հայցի վերաբերյալ դատական գործընթացն իրեն թույլ է տվել առավել մանրամասն ծանոթանալ հայ ազգի պատմությանը և անցած ուղուն:
Անդրադառնալով 2011 թ. ապրիլի 1-ի որոշմանը` նա առանձնահատուկ կերպով ընդգծեց հայ համայնքի կողմից կազմակերպած ավելի քան հազար ներկաների մասնակցությամբ ընդունելությունը, որը հուզիչ տպավորություն էր թողել իր վրա: Դատավորը մեծապես կարևորել է այդ ձեռնարկին բազմաթիվ երիտասարդների մասնակցությունը:
ՀՀ դեսպանը հրավիրել է Ն. Օժարբիդեին այցելել Հայաստան, ինչը վերջինս հաճույքով ընդունել: