Սոմալիի Աֆգոյե քաղաքում մահապարտն ականապատ մեքենայով հարվածել է զինվորական բազայի դարպասներին, որից առաջացած պայթյունի հետևանքով զոհվել է առնվազն երկու զինվորական:
Զոհվածները եղել են Սոմալիի բանակի ծառայողներ: Պայթյունի պատասխանատվությունը ստանձնել է Ալ-Շաբաբ իսլամական խմբավորումը, որի ներկայացուցիչները հայտարարել են, որ հարձակումն իրագործել է խմբավորման գրոհայիններց մեկը:
Սոմալիի և Աֆրիկյան միության կառավարական բանակները ռազմավարական կարևոր նշանակություն ունեցող Աֆգոյե քաղաքը ազատագրել էին մայիսի վերջին: Քաղաքը գտնվում է Մոգադիշո մայրաքաղաքից 30 կմ հեռու:
