Մադոննայի բեմական մերկապարը բոլորին չէ, որ դուր է եկել: Շոու բիզնեսի որոշ ներկայացուցիչներ քննադատել են շլացուցիչ երևալու նրա նախաձեռնությունը: Ինչպես տեղեկացնում է The Telegraph-ը, նրա հասակակից՝ 53-ամյա բրիտանացի դերասանուհի Էմմա Թոմփսոնն առաջինն է, որ բարձրաձայն արտահայտել է իր նախատինքը՝ ուղղված փոփ թագուհուն:
«53 տարեկան հասակում ապշեցուցիչ երևալու համար ամենևին անհրաժեշտ չէ ամեն ինչ ցույց տալ»,- ասել է դերասանուհին, որն այդ թեմային է անդրադարձել լրագրողների հետ նոր Punch Drunk ֆիլմում նկարահանումների մասին խոսելիս: Նրան տեսել են ֆիլմում իր ամուսնու դերակատարի հետ ծովափին վոլեյբոլ խաղալիս:
4 երեխաների մայր Մադոննան օրեր առաջ Ստամբուլում կուրծքը բացելուց հետո իր սթրիփ շոուն շարունակել էր Հռոմում և Միլանում՝ իջեցնելով տաբատն ու տասնյակ հազարավոր հանդիսականներին ցուցադրելով իր հետույքն ու վարտիքը:
