ԼՂՀ ԱԺ նախագահ Աշոտ Ղուլյանի գլխավորած պաշտոնական պատվիրակությունը, Մեծ Բրիտանիայի և Հյուսիսային Իռլանդիայի Միացյալ Թագավորություն կատարած այցի ծրագրի շրջանակներում հունիսի 13-ին Օքսֆորդի համալսարանի Արևելյան ինստիտուտում հանդիպում է ունեցել այդ համալսարանի տարբեր ինստիտուտների մի խումբ դասախոսների և ուսանողների հետ:
«Հանդիպմանն Արցախի խորհրդարանի նախագահը ներկաներին պատմել է ղարաբաղյան հիմնախնդրի կարգավորման բանակցային գործընթացի, ԼՂՀ անցած քսանամյա ուղու, երկրում իրականացվող գիտակրթական բարեփոխումների մասին։ Այնուհետև նա պատասխանել է համալսարանականների հարցերին, որոնք վերաբերում էին Արցախի ներկա սոցիալ-տնտեսական իրավիճակին, հանրապետության ներդրումային դաշտին, Հայաստան-Արցախ փոխգործակցությանը, տարածաշրջանային խնդիրներին, միջազգային հարաբերությունների զարգացման միտումներին և այլն:
Այցի վերջին աշխատանքային օրը` հունիսի 14-ին, ԼՂՀ պատվիրակությունը հյուրընկալվել է Լոնդոնի «Չաթամ Հաուզ» միջազգային հարաբերությունների թագավորական ինստիտուտում (Chatham House-Royal Institute of International Affairs), որտեղ Հարավային Կովկասի խնդիրներով զբաղվող մի խումբ փորձագետների հետ տեղի է ունեցել մտքերի փոխանակություն` կապված ղարաբա-ադրբեջանական հակամարտության կարգավորման գործընթացի, տարածաշրջանում առկա զարգացումների, ԼՂՀ ներքաղաքական իրավիճակի, առաջիկա նախագահական ընտրությունների, վստահության միջոցների հնարավոր ազդեցության և այլ հարցերի հետ:
Նույն օրը երեկոյան կայացել ԼՂՀ Ազգային ժողովի նախագահի հանդիպումը Միացյալ Թագավորությունում Հայ Դատի հանձնախմբի անդամների հետ` Սևան Արթինի գլխավորությամբ: ԼՂՀ պաշտոնական պատվիրակության այցն ավարտվել է:
