Այսօր ավարտվեց Ռուսաստանի մայրաքաղաք Մոսկվայում ընթացող Moscow Open միջազգային շախմատային փառատոնը: Վերջին տուրում Հայաստանի երրորդ շախմատիստուհի, գրոսմայստեր Լիլիթ Գալոյանը սև ֆիգուրներով ոչ-ոքի խաղաց չինուհի Չզաո Սյուեի հետ և վաստակած 3.5 միավորով զբաղեցրեց 7-րդ տեղը:
Հայազգի Կարինա Համբարձումովան, ով հանդես է գալիս Ռուսաստանի դրոշի տակ, կրեց իր յոթերորդ պարտությունն ու երկու միավորով եզրափակեց մրցաշարային աղյուսակը:
Ինչպես արդեն տեղեկացրել էինք, մրցաշարի հաղթողն ի հայտ պետք է գար Մոնգունթուլ Բութայագ-Ալեքսանդրա Կոստենյուկ պարտիայի արդյունքում: Աշխարհի նախկին չեմպիոնուհին սառնասրտորեն դիմակայեց սպիտակ ֆիգուրներով հանդես եկող մոնղոլ գրոսմայստերի գրոհներին և կարողացավ պարտիան ավարտել իրեն ձեռնտու ոչ-ոքի արդյունքով: Լրացուցիչ ցուցանիշների շնորհիվ Moscow Open-ի հաղթող ճանաչվեց ռուսաստանցի շախմատիստուհի Ալեքսանդրա Կոստենյուկը:
3.6 մլն. ռուբլի մրցանակային ֆոնդ ունեցող մրցաշարի երրորդ պատվավոր տեղը զբաղեցրեց Չինաստանի Ներկայացուցիչ Չզաո Սյուեն, ով չորրորդ տեղը գրաված Վալենտինա Գունինային գերազանցեց կրկին ավելորդ ցուցանիշների շնորհիվ:
Վերջին տուրի պարտիաներում գրանցվեցին հետևյալ արդյունքները.
Լիլիթ Գալոյան – Չզաո Սյուե 1/2
Յոլանտա Զավադսկա – Վալենտինա Գունինա 1/2
Մոնգունթուլ Բութայագ – Ալեքսանդրա Կոստենյուկ 1/2
Կարինա Համբարձումովա – Օլգա Գիրիա 0-1
Ալինա Կաշլինսկայա – Մարիա Ֆոմինիխ 0-1
Մրցաշարային աղյուսակի վերջնական դասավորությունն այսպիսին է.
1.Ալեքսանդրա Կոստենյուկ 7 մ.
2. Մոնգունթուլ Բութայագ 7 մ.
3. Չզաո Սյուե 5.5 մ.
4. Վալենտինա Գունինա 5.5 մ.
5. Օլգա Գիրիա 4.5 մ.
6. Յոլանտա Զավադսկա 4 մ.
7. Լիլիթ Գալոյան 3.5 մ.
8. Մարիա Ֆոմինիխ 3 մ.
9. Ալինա Կաշլինսկայա 3 մ.
10. Կարինա Համբարձումովա 2 մ.
