Ֆոլկլենդյան կղզիներում բրիտանական կառավարության նախաձեռնությամբ 2013 թ. առաջին կեսին քվեարկություն կանցկացվի տարածքի կարգավիճակի վերաբերյալ: Այս մասին, ինչպես հաղորդում է Agence France-Presse-ը, հունիսի 12-ին հայտնել է Ֆոլկլենդի կառավարությունը:
Ֆոլկլենդյան կղզիները մի քանի տասնամյակ Արգենտինայի և Մեծ Բրիտանիայի հակասությունների պատճառ են եղել: 1982 թ. արգենտինական հետևակային ստորաբաժանումն իջել է կղզի, որի տարածքը լատինամերիկյան պետությունն իրենն է համարում: Դրան հաջորդել է 74-օրյա պատերազմ, որի հետևանքով զոհվել է 649 արգենտինացի և 255 բրիտանացի զինվոր:
Օրենսդիր մարմնի նախագահ Գեյվին Շորթի խոսքերով` Ֆոլկլենդի բնակիչներին բավարարում է Միացյալ Թագավորության ծովային տարածք լինելու հանգամանքը, և նրանք այդ մասին մտադիր են հայտարարել քվեարկության ժամանակ:
«Մենք հաստատ չենք ցանկանում, որ մեզ ղեկավարի Արգենտինայի կառավարությունը, և դա ակնհայտ է կղզի այցելողների համար»,– ասել է նա։
