Այսօր բրիտանական պառլամենտում երկրորդ ընթերցմամբ քննարկման է ներկայացվել համացանցում զրպարտության մասին օրինագիծը: Այս մասին հայտնում է The Telegraph-ը: Օրենքն ուղղված է ինտերնետ-թրոլլերների դեմ՝անանուն օգտատերերի, որոնք ինտերնետում տարածում են մարդկանց մասին վարկաբեկող տեղեկություններ:
Նոր օրենքը կպարտավորեցնի փրովայդերներին տրամադրել այդ օգտատերերի տվյալները՝ առանց ոստիկանության հրամանի և դատարանի ծանուցման: Կայքերը, որոնցում կհայտնվեն զրպարտող և վարկաբեկող տեղեկությունները, կազատվեն դատական քաշքշուկից, եթե աջակցեն խուլիգանների անձը բացահայտելու գործին: Եթե կայքերը հրաժարվեն, ապա կկրեն պատասխանատվություն այն չափով, ինչ հաղորագրությունների հեղինակները: Կայքերը պետք է զրպարտողի անունը, էլեկտրոնային փոստի հասցեն և ինտերնետ-պրոտոկոլի տվյալները տրամադրեն տուժողին, որպեսզի նա դատական հայց ներկայացնի իրեն զրպարտողի դեմ:
Այն մասին, թե ինչպես պետք է վարվել այն դեպքում, երբ հաղորդագրությունը տեղադրվել է ինտերնետ ակումբից, դեռևս որոշում չկա:
