Բելգիացի ֆուտբոլային երկրպագուները անսպասելիորեն որոշել են իրենց դժգոհությունն արտահայտել այն փաստի դեմ, որ իրենց ազգային հավաքականը չի ընդգրկվել Եվրոպայի ֆուտբոլի առաջնությունում, որն անց է կացվում Ուկրաինայում և Լեհաստանում: Ինչպես տեղեկացնում է RBK-ն, շուրջ 20 հազար երկրպագուներ իրենց վաճառքի են հանել:
Ինչպես հայտարարել են երկրպագուները, իրենք պատրաստ են քաջալերել ցանկացած այլ հավաքականի, մասնակցել խաղերին, ծածանել դրոշներն ու նույնիսկ սովորել ազգային հիմները:
Երկրպագուները դիտարկել են նաև այն իրավիճակը, երբ նրանց նոր սիրելի թիմը դուրս մնա առաջանությունից: Այդ դեպքում նրանք որոշել են 24-ժամյա սուգ հայտարարել և կրկին իրենց վաճառքի դնել eBay ինտերնետ-աճուրդում:
Բելգիացի երկրպագուների լացը լսելի է եղել: Նիդեռլանդների մի քաղաքացի 3000 եվրոյով գնել է երկրպագուների թիմը: Ստացված գումարը երկրպագուները մտադիր են ուղղել UNICEF-ի մանկական նախագծերի ֆինանսավորմանը:
