Եվրոպայի անվտանգության և համագործակցության կազմակերպության (ԵԱՀԿ) գործող նախագահ, Իռլանդիայի արտգործնախարար Իմոն Գիլմորը տարածաշրջան այցի շրջանակում հունիսի 11-12-ը կժամանի Հայաստան: Այս մասին հայտնում է RIA Novosti-ն` հղում անելով ԵԱՀԿ երևանյան գրասենյակին:
Հարավային Կովկաս այցի շրջանակում Գիլմորը հունիսի 12-13-ը կայցելի նաև Վրաստանի մայրաքաղաք Թբիլիսի, իսկ հունիսի 13-14-ը՝ Ադրբեջանի մայրաքաղաք Բաքու:
Այցի շրջանակում ԵԱՀԿ գործող նախագահը հանդիպումներ կունենա երեք երկրների քաղաքական կուսակցությունների ղեկավարների հետ, որոնց հետ կքննարկի կազմակերպության գործունեությունը տարածաշրջանում:
Կքննարկվեն նաև Լեռնային Ղարաբաղի խնդրի կարգավորմանը, Վրաստանում հետկոնֆլիկտային իրավիճակի հետ առնչվող հարցեր, Երևանում և Բաքվում ԵԱՀԿ գրասենյակի հետ համագործակցության խնդիրներ: