Փետրվարի 4-ին տեղի ունեցավ ԱԺ աշխատանքային խորհրդակցություն, որը նախագահում էր ՀՀ ԱԺ նախագահ Հովիկ Աբրահամյանը:
Խորհրդակցության ժամանակ քննարկվեցին չորրորդ գումարման ԱԺ իններորդ նստաշրջանի օրակարգի որոշման նախագիծը և փետրվարի 7-10-ի ԱԺ քառօրյա նիստերի օրակարգի որոշման նախագիծը: ԱԺ իններորդ նստաշրջանի օրակարգի նախագծում ընդգրկվել է 132 հարց: ԱԺ առաջիկա նիստերի օրակարգի նախագծում ընդգրկվել են 107 հարց, միջազգային 10 պայմանագիր:
Չորրորդ գումարման ԱԺ իններորդ նստաշրջանի և փետրվարի 7-10-ի ԱԺ նիստերի օրակարգերի նախագծերը կհաստատվեն փետրվարի 7-ի ԱԺ նիստում:
ՀՀ ԱԺ հասարակայնության և տեղեկատվության միջոցների հետ կապերի վարչություն