Սյունիքի մարզպետարանի առողջապահության և սոցիալական ապահովության վարչության տվյալներով, մարզում ուռուցքային հիվանդությունների թիվը աստիճանաբար նվազում է:
Եթե 2009թ.-ին գրանցվել են ուռուցքային հիվանդություններով տառապող 1,162 հիվանդներ, ապա 2010թ.-ին` 1,052։ 2008թ.-ից Կապանի բժշկական կենտրոնում նաև քիմիաթերապիա են կատարում, որի արդյունքում նվազել է ուռուցքային հիվանդություններից մահացությունների թիվը՝ 24,2-ից հասնելով 16 տոկոսի։ Պաշտոնական այս տվյալներին չհավատալու առիթ, բնականաբար, չունենք։ Բայց զարմանալի է, որ լեռնաարդյունաբերական ձեռնարկությունների առկայությամբ մարզում նման թվեր են արձանագրվել։
Բնապահպանները մշտապես աղաղակում են, որ ուռուցքային հիվանդությունները Սյունիքում մեծ թիվ են կազմում։ Մնում է ենթադրել, որ մարդիկ պարզապես բժշկական հետազոտության չեն դիմում։
