Ֆրանսիական TF1 հեռուստաընկերության երեք լրագրողների երեկ առավոտյան ձերբակալել են քաղաքացիական հագուստով զինված անձինք:
Lenta.ru-ն տեղեկացնում է, որ նրանց կտտանքների չեն ենթարկել և բաց են թողել 15 ժամ անց: Ժամեր շարունակ նրանց պահել են կապած աչքերով:
Անհայտ է, թե ովքեր են ձերբակալել լրագրողներին և որտեղ են նրանց պահել:
Երեկ ազատ են արձակվել նաև երեքշաբթի օրը ձերբակալված France 24 հեռուստաընկերության լրագրողները:
Եգիպտոսում բախումների այս օրերին պարբերաբար տեղեկություններ են ստացվում լրագրողների վրա հարձակումների մասին: