Բրիտանական ավտոշուկան երրորդ ամիսն է անընդմեջ աճում է. 2012թ. մայիսին ավելանալով 7.9%-ով՝ մինչև 162,288 մեքենա:
Ինչպես հաղորդում է «Ավտոստատ»-ը, անցյալ ամիս վաճառված մեքենաների թիվն ամենաշատն է 2010թ հունիսից հետո, երբ ավտոշուկան սկսեց իջեցնել դինամիկան «էկո-բոնուսները» չեղյալ համարելուց հետո:
2012թ. առաջին 5 ամիսների տվյալներով՝ Մեծ Բրիտանիայում մեքենաների իրացումն ավելացել է 2.6%-ով և հասել 868,166 միավորի: Մասնավոր անձանց մեքենաների վաճառքը աճել է 8.5%-ով: Ըստ կանխատեսումների՝ ընդհանուր առմամբ 2012թ. Մեծ Բրիտանիայում կիրացվի 1.963 մլն ավտոմեքենա:
Մեծ Բրիտանիայի ավտոշուկայում առաջատարը շարունակում է մնալ Ford-ը, որն իրացրել է 23,255 ավտոմեքենա: Երկրորդ տեղում բրիտանական Vauxhall-ն է, որի վաճառքի ծավալներն աճել են 7.6%-ով և կազմել 20,275 մեքենա: Երրորդ տեղում Volkswagen-ն է՝ 15,511 մեքենա (+0.75%):