1855թ. այս օրը մահացավ բնագետ, ֆիզիկոս և մետաֆիզիկոս Պողոս Մելիքշահյանը (ֆիզիկա Պողոս, Պողոս Պատվելի):
Պողոս Մելիքշահյանր XIX դարի 1-ին կեսի պոլսահայ այն առաջավոր մտավորականներից էր, որոնք ակտիվորեն մասնակցում էին կղերաամիրայական վերնախավի և սուլթանիզմի դեմ ուղղված արհեստավորների, պանդուխտ մշակների և գյուղացիների պայքարին։
Պողոս Մելիքշահյանր ծնվել է 1788թ. Իզմիրի մոտ գտնվող Գրգաղաձ գյուղում, չքավորի րնտանիքում։ Նախնական կրթությունր տեղում ստանալուց հետո 1805թ. ուսումր շարունակելու նպատակով գնում է Իզմիր, ուր և աշակերտում է քահանա Հովնան Վանանդեցուն:
Զգալով այստեղ «երեք տարվան տված աշխատության ապարդյուն ըլլալը»՝ Պողոսը մեկնում է Կ. Պոլիս։ «Ճշմարտությունը ճանչնալու» մեծ ձգտումով նա հետամուտ Է լինում փիլիսոփայության և բնական գիտությունների ինքնուրույն ուսումնասիրությանր և կարճ ժամանակամիշոցում, որպես բնական գիտությունների և փիլիսոփայության մեջ հմուտ անձնավորություն, Պոլսում ձեռք է բերում մեծ համբավ։
«Ֆիզիկա» մականունր Պողոս Մելիքշահյան՚ը ստացել է բնական գիտությունների բնագավառում ցուցաբերած րնդունակությունների ու գիտելիքների շնորհիվ։ Հենվելով բնական գիտությունների տվյալների վրա՝ պայքարել է սնոտիապաշտության, կրոնական նախապաշարմունքների դեմ։