Ինչպես հաղորդում է France Presse գործակալությունը, անցած գիշեր Կահիրեում սպանվել է օտարերկրյա քաղաքացի: Ըստ գործակալության՝ նա դաժան ծեծի է ենթարկվել Թահրիր հրապարակի մերձակայքում: Օտարերկրյացու անձը պարզվում է:
Մենք արդեն տեղեկացրել էինք, որ երբ Մուբարաքի կողմնակիցները սկսեցին իրենք հանրահավաքներ անել և հարձակումներ գործել նախագահի դեմ հանդես եկած ցուցարարների վրա, այդ պահից սկսած Կահիրեում հարձակումների էին ենթարկվում նաև օտարերկրացիները, հատկապես լրագրողները:
Այս կապակցությամբ ԱՄՆ-ն, Ֆրանսիան, Գերմանիան, Իսպանիան, Մեծ Բրիտանիան դատապարտել են այս գործելաոճը` այն անվանելով լրագրողներին վախեցնելու փորձ: Մեծ Բրիտանիայի արտաքին գերատեսչության ղեկավարն անթույլատրելի է համարել ինտերնետի և հեռախոսակապի անջատումը, ինչպես նաև լրագրողների մասնագիտական աշխատանքների սահամանափակումը:
Այս օրերին դաժան ծեծի և ձերբակալության են ենթարկվել ԱՄՆ-ի, Թուրքիայի, Բելգիայի, Լեհաստանի, Ռուսաստանի, Մեծ Բրիտանիայի, լրագրողները: Տուժածների թվում են այնպիսի լրատվամիջոցների ներկայացուցիչներ, ինչպիսիք են CNN-ը, The New York Times-ն ու Washington Post-ը, շվեդական SVT-ն, բելգիական Le Soir-ը:
Ավելի վաղ սպանվել էր Ադրբեջանի դիվանագիտական ներկայացուցչության աշխատակիցը:
