ՊԵԿ-ի կողմից եռամսյակը մեկ հրապարակվող 1000 խոշոր սոցիալական ապահովության վճար վճարած ընկերությունների և 1000 խոշոր հարկատուների ցանկերի համեմատությունը ցույց է տալիս, որ հարկատուների խոշոր ցուցակի տասնյակում հայտնված մի խումբ ընկերություններ չկան սոցիալական ապահովության վճարողների ցանկի առաջին 150 հորիզոնականներում:
Այսպես, Բարսեղ Բեգլարյանի` վառելիք ներմուծող «Ֆլեշը», որ հարկատուների ցուցակում 6-րդ տեղում է, սոցիալական ապահովության վճարների ցուցակում 162-րդն է: Վառելիք ներմուծող մեկ այլ ընկերության` Միխաիլ Բաղդասարովի «Սիթի Պետրոլ Գրուպը», որ հարկատուների ցուցակում 7-րդն է, սոցիալական ապահովության վճարների ցուցակում 236-րդ տեղում է:
Իսկ Վարդանյանների ընտանիքին պատկանող «Ինտերնեյշնլ Մասիս Տաբակ»-ը, որ հարկատուների ցուցակում 9-րդն է, սոցիալական ապահովության վճարների ցուցակում 55-րդն է:
