Ըստ ՀՀ կառավարությանն առընթեր ՀՀ ոստիկանության ամփոփ տեղեկատվության՝ 2010-ին հանրապետությունում գրանցվել է 15,477 հանցագործության դեպք, որտեղ ամենամեծ թիվը՝ 5,392-ը, կազմում է սեփականության դեմ ուղղված հանցագործությունները, այնուհետ մեծ թիվ են կազմում հասարակական անվտանգության, հասարակական կարգի և բնակչության առողջության, մարդու (անձի) դեմ ուղղված հանցագործությունները, ինչպես նաեւ պետական իշխանության, ծառայության և կառավարման կարգի դեմ ուղղված հանցագործությունները, որոնք 2010-ին 2,223-ն են եղել:
Ազգային վիճակագրական ծառայության տվյալներով, գրանցված 15,477 հանցագործություններից 7,566-ը արձանագրվել է Երեւանում, որը 2009 թվականի նույն ժամանակահատվածի համեմատությամբ աճել է 7.7 տոկոսով¸ այնուհետ ամենամեծ թվով հանցագործությունները՝ 1,328-ը, գրանցվել են Լոռիում, որը 2009-ի համեմատ նվազել է 2.1 տոկոսով, այնուհետեւ Կոտայքն է 1,137 հանցագործության դեպքերով՝ 2009-ի համեմատ արձանագրելով 17 տոկոս աճ, և Շիրակը՝ 1016 հանցագործություններով, որտեղ արձանագրված աճը կազմել է 15.7 տոկոս:
