1903թ. այս օրը ծնվեց հանրահայտ հայ կոմպոզիտոր, ռուսական կոմպոզիցիայի դպրոցի և հայ դասական երաժշտության վառ ներկայացուցիչ Արամ Խաչատրյանը:
Ծնվել է Քոջորիում (Թիֆլիսի մոտակայքում) գիրք կազմող Եղյա Խաչատրյանի ընտանիքում, 1913. ընդունվում է Թիֆլիսի «Կոմերցիայի դպրոցը», բայց նախընտրում է երաժշտությունը։
1921թ. Արամը ընդունվում է Գնեսինի երաժշտական քոլեջը, 1929-ին Արամը ընդունվում է Մոսկվայի Կոնսերվատորիան, որտեղ նա ուսանում է հայտնի ռուս կոմպոզիտոր և ուսուցիչ Մյասկովսկու մոտ։
1939թ. Խաչատրյանը գրում է իր առաջին բալետը, որն ի սկզբանե կոչում է «Ուրախություն», հետագայում այն վերանայվում և վերանվանվում է «Գայանե»։
1936-1947թթ. բեղմնավոր էին Խաչատրյանի կյանքում։ Նա գրում է երաժշտություն դրամատիկ ներկայացումների և ֆիլմերի համար, երգեր, եկեղեցական երաժշտություն և սիրված Ջութակի համերգը, 1946-ին՝ Երկրորդ սիմֆոնիան, 1943-ին՝ Թավջութակի և սիմֆոնիկ նվագախմբի համար ստեղշաագործությունը, 1946թ.՝ Երրորդ սիմֆոնիան և 1947-ին՝ Պոետիկ սիմֆոնիան:
50-ականներին Խաչատրյանը սկսում է իր ուսուցչական գործունէությունը Գնեսինի ինստիտուտում և Մոսկվայի կոնսերվատորիայում։
1956թ. դեկտեմբերի 27-ին Խաչատրյանի հայտնի «Սպարտակը» բեմադրվում է Կիրովի բեմում։
Արամ Խաչատրյանը մահացել է 1978թ. մայիսի 1-ին և թաղվել Երևանի Կոմիտասի անվան զբոսայգու պանթեոնում:
Այժմ նրա անունով է կոչվում օպերայի և բալետի թատրոնը:
