Վերջին առատ ձյունը ոչ միայն ազատ տեղաշարժվելու, բազմաթիվ վթարների պատճառ դարձավ, այլև մարդիկ շարունակում են օր օրի նոր կոտրվածքներ ստանալ։
Այսօր զրուցեցինք շտապօգնության ծառայության պետ Ռիտա Աբրահամյանի հետ, որը մեզ հետ զրույցում նշեց, որ օրական միջինը 15-20 կոտրվածքով հիվանդներ են ընդունում։
Հարկ է նկատել, որ շատերը, անգամ կոտրվածքներ ստանալու դեպքում էլ ֆինանսական սղությունից ելնելով, հիվանդանոցներին չեն դիմում։ Ի դեպ, Ռիտա Աբրահամյանի խոսքերով, նախորդ տարվա համեմատ ձյան հետևանքով առաջացած կոտրվածքների քանակը չի ավելացել։