Իրանի երկաթգծի կազմակերպության միջազգային հարցերի բաժնի ղեկավար Աբաս Նազարին, Trend գործակալությանը հայտնել է, որ Իրանը, ՌԴ ու Ադրբեջանը համաձայնության են հասել, միատեղ երկաթգծի ընկերություն կազմելու հարցի շուրջ:
Նազարիի փոխանցմամբ, հունվարի 31-ին ու փետրվարի 1-ին երեք երկրների ներկայացուցիչները կազմել են միատեղ ընկերության կանոնադրությունը և պատրաստվում են փետրվարի 7-ին` միատեղ հանդիպման ընթացքում, վերջնականապես ստորագրել համատեղ պայմանագիրը:
Փոխանցված լուրի համաձայն` տվյալ ընկերության նախնական ներդրած գումարը կազմում է 3 միլիոն դոլար, որը հավասար չափով բաժանվել է երեք երկրների միջև: Նազարիի հայտարարությամբ, ընկերության կենտրոնական գրասենյակը լինելու է կա՛մ Թեհրանում, կա՛մ էլ Մոսկվայում, և միևնույնն է, կենտրոնական գրասենյակը որտեղ էլ, որ հիմնվի, մնացորդ երկու երկրներում էլ բացվելու են ընկերության մասնաճյուղ գրասենյակներ:
Հիշյալ նախագիծը նպատակ ունի, Իրանը, Ադրբեջանն ու ՌԴ-ը իրար կապող նոր երկաթգիծ կառուցել, որի արդյունքում զարգանալու է հիշյալ երկրների միջև առկա առևտրական հարաբերությունները:
