Լոս Անջելեսի Գլենդել քաղաքում լույս տեսնող 6 ամսագրերի նախկին հրատարակիչը դատապարտվեց 2.5 տարվա ազատազրկման` բժշկական ապահովագրության ոլորտի ընկերությունների միջոցով գումարներ լվանալու համար:
Այս մասին հաղորդում է Glendale News Press-ը:
Հրատարակիչն է Գլենդելում բնակվող, 61-ամյա Նավասարդ Պետրոսյանը, որը 2002-2007 թթ. գովազդի համար 3 մլն դոլար է ստացել բժիշկներից և բժշկական ընկերություններից: Իսկ խարդախությունները կապված էին ստացված չեկերի կանխիկացման և ապականխիկացման հետ, որոնք թույլ էին տալիս թաքցնել եկամուտները:
Նրա հանցակիցը` Անդրոնիկ Պետրոսյանը, 2008 թ. դատապարտվել է 8 տարվա ազատազրկման:
Ժամանակին Ն. Պետրոսյանը հրատարակել է հայալեզու «Ծիածան», «Կռունկ», «Առողջություն և գեղեցկություն» «TV Time» և «Muse» ամսագրերը ու «Ավանգարդ» շաբաթաթերթը: