Ռուսաստանը կանգնած է դեմոկրատական բարեփոխումների շեմին, և այդ կայունության շրջանից դեպի դեմոկրատիա անցումը լի է փողոցային բռնությունների ռիսկերով ու ոստիկանական ամենաթողությամբ: Ընդ որում` դեմոկրատիայի հաղթանակը կխոչընդոտի երկրի տնտեսակայն զարգացմանը: Медведь ամսագրին տված հարցազրույցում այսպիսի կարծիք է հայտնել «Ռոսնանո» պետական կորպորացիայի ղեկավար Անատոլի Չուբայսը:
«Տրենդի փոփոխությունն անխուսափելի է. կայունության դարաշրջանն ավարտվել է… Էությունը երկրի սոցիալական կառույցում կատարված փոփոխություններն են: Առաջացել է միջին խավ ու հիմա (միջին խավը) ոչ մի տեղ չի անհետանա, այլ կշատանա, ու նրա պահանջարկի ծավալները միայն կընդլայնվեն:
«Ռուսաստանը կանգնած է դեմոկրատական բարեփոխումների շեմին»,- հայտարարել է Չուբայսը:
Նրա կարծիքով` պատճառները, որոնք Մոսկվայի Բոլոտնայա հրապարակում ու Սախարովի պողոտայում հանգեցրել են ընդդիմության ակցիաներին, «այնքան խորն են, որ նրանց գործողությունները 6-ամսյա շրջանով չեն սպառվում»:
«Ավելին, նրանք ստեղծում են այնքան հզոր պահանջարկ, որ իշխանությունը չի կարող դրան չպատասխանել: Ու հենց այդ պահանջարկն է պատասխանը ու ձևավորում է երկրի զարգացման տրենդը հաջորդ 5-6 տարում»,- ենթադրում է նա:
Միևնույն ժամանակ, Չուբայսը տեսնում է հնարավոր ռիսկերի 3 հնարավոր խումբ:
«Կարող են ընդդիմությունը խեղդել ոստիկանական մեթոդներով: Ռուսաստանում դա միանգամայն հնարավոր է ու շատ բնական: Ռիսկի հավանականությունը մեծ չէ, սակայն առկա է»,- ենթադրում է նա: Ընդ որում` նա չի բացառում, որ այդ սցենարի դեպքում բռնաճնշումները կարող են դիպչել անձամբ իրեն:
Երկրորդ սցենարը, ըստ նրա, ոչնչով լավ չէ առաջինից ու կոչվում է «Ինքնակառավարման կորուստ», ինչը նշանակում է փողոցային զանգվածային բռնություններ: Ինչ վերաբերում է երրորդ սցենարին, ապա այն «միանգամայն տարօրինակ» է, սակայն հնարավոր` Ռուսաստանում «կհաղթնակեն դեմոկրատական արժեքներն, ու արդար ընտրություններով Դուման կվերընտրվի»: