ԵԱՀԿ Մինսկի խմբի ձևաչափը փոխելու մեջ մեծ ռիսկ կա, այսօր ԵՊՀ Եվրոպական ուսումնասիրության կենտրոնի ուսանողների հետ հանդիպմանը հայտարարել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Ֆիլիպ Լեֆորը:
«ԵՄ-ում ներկայում քննարկումներ են ընթանում, թե ինչ դերակատարում պետք է ունենանք Լեռնային Ղարաբաղի հակամարտության կարգավորման գործում: Քննարկումներ են եղել թե արդյոք պետք է ԵԱՀԿ Մինսկի խմբում Ֆրանսիան փոխարինել ԵՄ-ով: Պետք է հստակորեն նշեմ, որ դա մեր քաղաքականությունը չէ, ԵՄ-ն չի կարող որոշումներ կայացնել ԵԱՀԿ-ի փոխարեն»,- նշել է Լեֆորը:
Եվրոպացի բարձրաստիճան պաշտոնյան համոզմունք է հայտնել, որ ԵԱՀԿ ՄԽ ձևաչափը փոփոխել չի կարելի, քանի որ հենց ԵԱՀԿ Մինսկի խումբն է մշակել Մադրիդյան սկզբունքները, ինչը կարևոր է և մինչ այժմ միակ փաստաթուղթն է, որին հակամարտության երկու կողմերն էլ համաձայնել են: