Նախկին ՕԵԿ-ական, ներկայումս հանրապետական ԱԺ պատգամավոր, «ՍԱՍ» սուպերմարկետների ցանցերի սեփականատեր Արտակ Սարգսյանի գործերը, ինչպես ցույց են տալիս որոշ հանգամանքներ, այնքան էլ լավ չեն։ Բանն այն է, որ, մեր աղբյուրների փոխանցմամբ, նա ուշացնում է սուպերմարկետների ցանցի աշխատակիցների աշխատավարձը։
«ՍԱՍ» սուպերմարկետների ցանցի աշխատակիցները իրենց աշխատավարձները հունվարի 20-ին պետք է ստանային, սակայն մինչ օրս ոչ բոլոր խանութներում է աշխատավարձը տեղ հասել։
Հերթական աշխատանքային օր աշխատակիցներին խոստանում են, որ հաջորդ օրը աշխատավարձ կստանան, բայց հաջորդ օրը աշխատակիցները դարձյալ խոստում են ստանում։
Ուշացման պատճառն էլ հավանաբար այն է, որ նա այնքան խանութներ ունի, որ աշխատավարձերը հերթով է մարում, սակայն խնդիրն այն է, որ իրենց աշխատավարձերին սպասող աշխատակիցների հերթը հունվարի 20-ից մինչ օրս չի ավարտվում։
