Այժմ ընթանում է ԱԺ նախագահի քվեարկությունը: Քիչ առաջ քվեարկեց առաջադրված միակ թեկնածու Հովիկ Աբրահամյանը: Լրագրողների հետ ճեպազրույցում նա հայտարարեց՝ հույս ունի, որ կարդարացնի ղեկավարի, թիմակիցների վստահությունը: ԱԺ առաջին նիստին ՀԱԿ-ի, «Ժառանգության» և «Ազատ դեմոկրատներ»-ի պատգամավորների բացակայությունը նա որակեց որպես քաղաքական որոշում: «Այն, որ ես միակ թեկնածուն եմ, դա հանդուրժողականության վկայություն է, և ես պարտավորություն եմ զգում և ամեն ինչ կանեմ երկրի նախագահի վստահությունը արդարացնելու համար»,- ասաց նա: «Հարց եմ տալիս՝ մտահո՞գ եմ, այո՛, մտահոգ եմ, պատկերացնո՞ւմ եք՝ ինչ պաշտոնի եմ առաջադրվել, սա մեծ պատասխանատվություն է»,- ասաց Հ. Աբրահամյանը: Նա խոստացավ ամեն ինչ անել՝ թույլ չտալու համար, որ պատգամավորները քվեարկեն ուրիշների փոխարեն, նաև խոստացավ անել այն ամենը, ինչ անհրաժեշտ է իր նախագահության ընթացքում:
Լուսանկարները՝ PanARMENIAN Photo-ի
<