«Բարգավաճ Հայաստան» կուսակցությունն արդեն իսկ ասել է, որ խիստ կառուցողական դաշտում է լինելու և հենց այդ դաշտում էլ գործելու է: Կենտրոնական ընտրական հանձնաժողովում մանդատների հանձնման հանդիսավոր արարողության ժամանակ լրագրողների հետ զրույցում այս մասին ասաց ԲՀԿ պատգամավոր Նաիրա Զոհրաբյանը:
«Ժամանակն է, որ մեր քաղաքական իրականությունը բաժանենք բացառապես սևի ու սպիտակի: Կարող են լինել քաղաքական ուժեր, որոնք գործելու են կառուցողական դաշտում: Եթե որևէ կուսակցություն, անկախ որ դաշտն է ներկայացնում, կներկայացնի ռացիոնալ, տրամաբանական առաջարկ, որը համահունչ կլինի մեր ծրագրերին, մենք այն կպաշտպանենք: Եթե կգտնենք, որ ծրագիրը համահունչ չէ, կմերժենք՝ անկախ նրանից, թե ով է ներկայացնում»,- ասաց նա: