ԱՄՆ ավիացիոն և ռազմական մասնագետներն արդեն սկսել են վեցերորդ սերնդի կործանիչ օդանավերի տեխնիկական բնութագրերի և ներկայացվելիք պահանջների հստակեցումը:
Այդ օդանավերը նախատեսվում է շահագործման հանձնել 2025-2030 թթ.: Սակայն նշվում է, որ օդանավերի ստեղծման աշխատանքները ֆինանսական խնդիրների պատճառով հավանաբար հնարավոր չի լինի սկսել մինչև 2015 թ.:
Aviation week հանդեսը գրում է, որ աշխատանքների սկսվելուց մինչև օդանավերը զինված ուժերին մատակարարելը մոտ 15 տարի ժամանակ է պահանջվում:
Միևնույն ժամանակ նշվում է, որ ԱՄՆ-ում ներկայումս առաջնահերթ է համարվում հարվածային համակարգերի` նոր ռմբակոծիչների, նաև անօդաչու թռչող ապարատների ստեղծումը:
Վերջին շրջանում ԱՄՆ-ում ռազմական բյուջեի կրճատումներ են, և նախատեսվում է մինչև հաջորդ տարի ծախսվող գումարները նվազեցնել 78 միլիարդ դոլարով:
