ԱԺ նորընտիր պատգամավորները շարունակում են ժամանել ԿԸՀ և ստանալ պատգամավորական մանդատները:
Քիչ առաջ մանդատը ստացավ 4-րդ գումարման ԱԺ նախագահ Սամվել Նիկոյանը: Լրագրողների հետ զրույցում նա հայտնեց, որ ԱԺ նախագահի պաշտոնում իր թեկնածությունը չի դրվելու, և ինքը հավանաբար կաշխատի գործադիր մարմնում. թե որ նախարարությունը կղեկավարի՝ Նիկոյանը չմանրամասնեց։ Հարցին՝ «ԱԺ-ում կարո՞ղ է կրկին նախագահել Հովիկ Աբրահամյանը» նա պատասխանեց. «Կարծում եմ՝ այո»։
Հավելենք, որ դեռ չեն եկել ՀԱԿ-ի, ՕԵԿ-ի և «Ժառանգության» պատգամավորները:
ԿԸՀ նախագահ Տիգրան Մուկուչյանը հայտնեց, որ պատգամավորները կարող են իրենց մանդատները ստանալ մինչև վաղը առավոտ, իսկ առանց մանդատի ԱԺ չեն կարողանա մուտք գործել։