Monday, 05 12 2022
Քննարկվել են էներգետիկայի, տրանսպորտի և ջրային ոլորտներին վերաբերող հարցեր
Լաչինի միջանցքում ադրբեջանական մաքսակետ տեղադրելու լուրը իրականությանը չի համապատասխանում. Արցախի ԱԽ
«Առաջին» լրատվական-վերլուծական թողարկում
Արցախը Հայաստանի հետ կապող միջանցքում ադրբեջանցիներ չեն լինելու․ ԱՀ ԱԱԾ
Եթե Վոլկովն անձամբ է գնացել այդ մարդկանց դիմավորելու՝ նշանակում է խաղաղապահները տեղյակ էին ակցիայից
Պուտինը Mercedes-ով անցել է Ղրիմի կամրջով
ԲՏԱ փոխնախարարի գլխավորած պատվիրակությունը կմեկնի Մոսկվա
Երևանը պետք է ԱՄՆ-ին հստակ բացատրի՝ որտեղ է ինքը և ինչ է ուզում
ՊԵԿ պատվիրակությունը մասնակցել է «Հարկերը և կայուն զարգացման նպատակները» երկխոսությանը
Եթե ռուսները ծախեն Լաչինի միջանցքը, շամպայնի փականի նման պետք է դուրս շպրտվեն Հայաստանից
21:53
Մունդիալ-2022. Խորվաթիան դրամատիկ պայքարում հաղթեց Ճապոնիային
Մարզերում անշարժ գույքի վարձակալության գործարքներն աճել են
Ռուսական խաղաղապահ զորախմբի պատասխանատվության գոտում միջադեպեր չեն գրանցվել
Գեղարքունիքի մարզում փակ ճանապարհներ չկան
21:10
Ճապոնիայում ձերբակալվել են երեխաներին խոշտանգած մանկապարտեզի աշխատակիցները
21:00
ՀԴԲ տնօրենը խոսել է Tiktok-ի վտանգներից
«Մանկական Եվրատեսիլ 2022»-ի մասնակիցներն ազդարարեցին մրցույթի մեկնարկը՝ վառելով Երևանի գլխավոր տոնածառի լույսերը
Հանրապետությունում կան դժվարանցանելի ճանապարհներ
Հայաստանում գնաճը նոյեմբերի դրությամբ կազմել է 8.8 տոկոս
Արցախը Հայաստանի հետ կապող միջանցքում ադրբեջանական հենակետ տեղադրելու մասին լուրերը կեղծ են. Արցախի ԱԱԾ
20:10
Լեհաստանը լիովին աջակցում է ԵՄ-ի և ՆԱՏՕ-ի անդամ դառնալու Վրաստանի ցանկությանը
Օրվա թիվը` 1.540.000
Հունվար-նոյեմբեր ամիսներին Հայաստան այցելած զբոսաշրջիկների թիվը գերազանցել է 1.5 միլիոնը
Live. «Առաջին լրատվական» տեղեկատվական-վերլուծական կենտրոն
Ադրբեջանի նախագահն ընդունել է Թուրքիայի ռազմական ղեկավարությանը
Արգավանդցին կացնով հարվածել է քնած որդու գլխին, կացնի բութ մասով՝ հարսի գլխին
ԵԱՏՄ անդամ երկրներում ամենացածր գնաճը Հայաստանում է
Ուղիղ․ Երևանի գլխավոր հրապարակում մեկնարկել է «Մանկական եվրատեսիլի» բացման արարողությունը
19:20
Գերմանիան մտադիր Է դառնալ եվրոպական անվտանգության երաշխավորը. Շոլց
Ինչ հանձնառության մասին է խոսում Արևմուտքը Ադրբեջանը նախապատրաստվում է ռազմական էսկալացիայի

«Օրենքով գող» Մարսոյի եղբոր որդին մեղմ պատիժ է ակնկալում

2009-ի հունիսի 19-ին սպանված «օրենքով գող», Մարսո մականվամբ Մարզպետունի Պետրոսյանի եղբոր որդին` Կարեն Պետրոսյանը և նրա հանցակիցը համարվող Վահրամ Խաչատրյանն ավելի մեղմ պատիժ են ակնկալում վերաքննիչ քրեական դատարանից:

Ավան և Նոր Նորք վարչական շրջանների ընդհանուր իրավասության դատարանը նրանց մեղավոր է համարել «Խոսրովի անտառ» պետական արգելոց ՊՈԱԿ-ի տնօրեն Սամվել Շաբոյանին սպանելու մեջ` Կարեն Պետրոսյանին դատապարտելով 14 տարվա ազատազրկման` հանրորեն վտանգավոր եղանակով կատարած սպանության և ապօրինի զենք պահելու, կրելու, օգտագործելու համար, իսկ Վահրամ Խաչատրյանին` 10 տարվա ազատազրկման` սպանության գործում Պետրոսյանի հանցակիցը լինելու համար:

Հիշեցնենք, որ այս սպանությունից 5 ամիս առաջ Մարսոյի սպանությունն իրագործել էր Սամվել Շաբոյանի եղբայրը` Պերճիկ Շաբոյանը: Հանցագործությունը կատարելուց րոպեներ անց վերջինս ինքնակամ ներկայացել էր իրավապահներին ու խոստովանել իր մեղքը ու դատապարտվել: Մամուլում հայտնված տեղեկությունների համաձայն` հակամարտող կողմերը նախկինում մտերիմ հարաբերություններ են ունեցել, բայց Մարսոյի սպանությունից ամիսներ առաջ նրանց ընտանիքների միջև ծագած գժտությունը վերաճել է թշնամանքի, այնուհետև վրեժխնդրության` սպանությունների:

Սպանությունից րոպեներ առաջ Սամվել Շաբոյանը եղել է «Շանգրի Լա» կազինոյում, և ամենայն հավանականությամբ նրա բախտն այդպես էլ չի բերել… Հորեղբոր սպանության համար վրեժխնդիր լինելու պատրաստ Կարենը` «սադկի նստած»` նրան է սպասել, քանի որ Մարսոյին սպանող Պերճիկն այդ ժամանակ անհասանելի է եղել` գտնվել է կալանավայրում:

Նախապես իմանալով, որ Ս.Շաբոյանը հաճախակի է լինում Երևան-Սևան ավտոմայրուղու հարևանությամբ գտնվող «Շանգրի Լա» խաղատանը, 2009 թվականի նոյեմբերի 18-ին Կ.Պետրոսյանը վերցրել է ապօրինի ձեռք բերած «ԱԿ-74» տեսակի ինքնաձիգը, նստել ընկերոջ` Վահրամ Խաչատրյանի «Մերսեդես-Բենց» մակնիշի ավտոմեքենայի հետևի նստատեղին և Վ.Խաչատրյանի հետ միասին գնացել նշված խաղատան մոտ:

Կազինոյի բակում տեսել են Ս.Շաբոյանի ծառայողական` «Տոյոտա Պրադո» մակնիշի, 007 ԼԼ 71 պ/հ ավտոմեքենան և համբերությամբ սպասել թիրախին: 23.50-ի սահմաններում Ս.Շաբոյանը ու նրա գործընկեր Ռոբերտ Սարգսյանը դուրս են եկել խաղատնից, Ս.Շաբոյանը նստել է «Տոյոտա Պրադո»-ի հետևի աջ նստատեղին, իսկ Ռ.Սարգսյանն ավտոմեքենան վարել է Երևան քաղաքի Մյասնիկյան պողոտայի ուղղությամբ:

Կ.Պետրոսյանն ու Վ.Խաչատրյանը նստել են նրանց «պոչին». Երևան քաղաքի, Մյասնիկյան պողոտայում` «Ջրաշխարհի» հարևանությամբ գտնվող տարածքում, Վ.Խաչատրյանն իր ավտոմեքենան հավասարեցրել է Ս.Շաբոյանի ավտոմեքենային, որպեսզի Կ.Պետրոսյանը կարողանա իրականացնել Ս.Շաբոյանին սպանելու մտադրությունը:

Այդ ժամանակ Կ.Պետրոսյանն իջեցրել է «Մերսեդես»-ի հետևի ձախ դռան ապակին, ինքնաձիգի փողը դուրս է հանել պատուհանից և ընթացքի ժամանակ ինքնաձիգի մի ամբողջ պահունակի փամփուշտներն արձակել «Տոյոտա Պրադո» մակնիշի ավտոմեքենայում նստած Սամվել Շաբոյանի ուղղությամբ: Փորձագիտական եզրակացությունից տեղեկանում ենք, որ մոտ 30 փամփուշտներից 18-ը դիպել էին Ս.Շաբոյանին:

Նա մահացել էր հիվանդանոց տանելու ճանապարհին` իրանի, աջ վերին, ստորին, ձախ վերին վերջույթների շրջաններում ստացած բազմաթիվ, հրազենային, գնդակային թափանցող, միջանցիկ, կույր շոշափող վնասվածքների պատճառով զարգացած տրավմատիկ, հեմորագիկ շոկից:

Սպանությունից հետո Վ.Խաչատրյանը և Կ.Պետրոսյանը ավտոմեքենայով իջել են «Կորեայի ձոր» կոչվող տարածք, թաքցրել ինքնաձիգը և ավտոմեքենայի սրահն ազատել կրակոցների ժամանակ այնտեղ թափված պարկուճներից: Սպանության հաջորդ օրը Վահրամն ինքնակամ ներկայացել է ոստիկանություն, ցուցմունքներ տվել, սակայն նշել է, որ չի իմացել պլանավորված սպանության մասին. կարծել է, թե Կարենն ընդամենը պետք է խոսի Շաբոյանի հետ:

Դատարանն, իհարկե, դա հաշվի չի առել, բայց փոխարենը պատիժ նշանակելիս հաշվի է առել ամբաստանյալների հանցանքը ծանրացնող և մեղմացնող հանգամանքները: Վերջիններիս շարքում գտել է, որ ամբաստանյալները դրական են բնութագրվում շրջապատում, նրանցից յուրաքանչյուրի խնամքին են գտնվում երեք անձ և հանդիսանում են իրենց ընտանիքների միակ կերակրողները, ինչպես նաև այն, որ նրանցից` Վ.Խաչատրյանը ինքնակամ է ներկայացել իրավապահ մարմիններին: Ամբաստանյալների պատիժը ծանրացնող հանգամանքներ դատարանը չի գտել:

Այժմ Կարեն Պետրոսյանի պաշտպանը վերաքննիչ բողոքում նշում է, որ իր պաշտպանյալի արարքը հանրորեն վտանգավոր որակելը ճիշտ չէ, քանի որ սպանության վայրը մարդաշատ չէ, ուստի դատավճիռը պետք է բեկանել և Կ.Պետրոսյանին առաջադրված մեղադրանքը վերաորակել ՀՀ քրօրի 104 հոդվածի 2-րդ մասից 1-ին մասի:

Իսկ Վահրամ Խաչատրյանի պաշտպանը համարում է, որ իր պաշտպանյալի արարքում հանցագործության պարտակում կա (քրօր-ի 334 հոդված, որը պատժվում է տուգանքով` նվազագույն աշխատավարձի 300-500-ապատիկի չափով, կամ կալանքով` 1-3 ամիս ժամկետով, կամ ազատազրկմամբ` առավելագույնը 3 տարի ժամկետով):

Ի դեպ, եթե դատավճռով հաստատված մեղադրանքը (104 հոդվածի 2-րդ մասի 6-րդ կետ) նախատեսում է 8-15 տարի և ավելի ազատազրկում, ապա նույն հոդվածի 1-ին մասը նախատեսում է ազատազրկում` 6-12 տարի ժամկետով:

«Շանգրի Լա» բառը մի քանի բացատրություն ունի, որոնցից մեկը նշանակում է կորսված հորիզոն… Սամվել Շաբոյանի դեպքում, փաստորեն, հորիզոնն իսկապես կորսված է եղել…

Էլմիրա Մարտիրոսյան, «Ժամանակ» օրաթերթ

Բաժիններ
Ուղիղ
Լրահոս
Որոնում