Եվարահանձնաժողովի կողմից հավանության արժանացած գազատարի շինարարությունը, որը պետք է ձգվեր Կասպյան շրջանից ու Կենտրոնական Ասիայից դեպի ԵՄ արևելյան սահմաններ (շրջանցելով Ռուսաստանը), կարող է վերջնականապես չեղյալ հայտարարվել արդեն ընթացիկ տարվա հունիսի վերջին: Ինչպես հաղորդում է ITAR-TASS-ը, այս մասին այսօր հայտնել են լոնդոնյան գործարար շրջանակները:
2002 թ. աշնանը Հունգարիայի և Բուլղարիայի էներգետիկ ընկերությունների ղեկավարների` Վիեննայում Վերդիի «Նաբուկո» օպերայի հնչյունների ներքո ծնված մտահղացման համաձայն` գազատարը պետք է շահագործվեր 2014 թ.:
Համաձայն ծրագրերի` ենթադրվում էր հենց այս տարի ավարտել 3.3 հազար կմ երկարությամբ գազատարի շինարարությունը և ստանալ Ադրբեջանից ու Թուրքմենստանից առաջին բնական գազը:
Սակայն անկախ փորձագետները հենց սկզբից կասկածի տակ առան տվյալ նախագծի տնտեսական շահութաբերությունը:
Այդուհանդերձ, քաղաքական ազդեցիկ խմբերի ճնշման ներքո Եվրահանձնաժողովն ու Եվրախորհրդարանը աջակցեցին Nabucco գազատարի կառուցման գաղափարին ու այն հայտարարեցին «ԵՄ անվտանգության համար ռազմակավարական նշանակություն ունեցող»:
Սակայն հիմա, երբ վերջին շրջանում նախագծից դուրս եկան մի քանի խոշորագույն մասնավոր ընկերություններ, այդ թվում` ВР-ն, Եվրամիությունը, ըստ գործարար շրջանակների, ստիպված է վերանայել իր դիրքորոշումը ու համաձայնել նախագիծը փակելու հետ: