Հոկտեմբերի 7-ին ՆԱՏՕ-ի գլխավոր քարտուղար Անդրես ֆոգ Ռասմուսենը այցելել է Թուրքիա։ Ինչպես հայտնում են թուրքական ԶԼՄ-ները, այցի ընթացքում ՆԱՏՕ-ի գլխավոր քարտուղարը կհանդիպի Թուրքիայի նախագահ Աբդուլլահ Գյուլի, վարչապետ Ռեջեփ Թայիփ Էրդողանի, խորհրդարանի նախագահ Մեհմեդ Ալի Շահինի, ԱԳՆ ղեկավար Ահմեդ Դավութօղլուի եւ այլ պաշտոնատար անձանց հետ։ Այցի ընթացքում կքննարկվեն Քաբուլում թուրքական հրամանատարության իրավասությունների երկարացման, ահաբեկչության դեմ պայքարի, տարածաշրջանային եւ այլ հարցեր։ Չի բացառվում, որ այցի ընթացքում քննարկվի նաեւ Աֆղանստանում թուրքական ռազմական ներկայության մեծացման հարցը։ Բանակցությունների մեկ այլ կարեւոր թեմա է լինելու քուրդ զինյալների դեմ պայքարի հարցը։