Ազգային վիճակագրական ծառայության այսօր հրապարակած տվյալների համաձայն` Եվրամիության 27 և աշխարհի այլ 16 երկրների համեմատությամբ Հայաստանը 2010թ. ամենաբարձր գնաճ արձանագրած երկրների քառյակում է:
Հիշեցնենք, որ 2010թ. Հայաստանի գնաճը (դեկտեմբերի տասներկուամսյա գնաճը) կազմել է 9.4%: Նշված երկրների կազմում սրանից բարձր գնաճ 2010թ. ունեցել է Ղրղզստանը` 19.2%, Վրաստանը` 11.2% և Բելառուսը` 9.9%:
Համեմատաբար բարձր գնաճ է արձանագրվել նաև Ուկրաինայում (9.1%), Ռուսաստանում (8.8%), Մոլդովայում (8.1%), Ղազախստանում (7.8%): Եվրամիության 27 երկրներում միջինում 2010թ. տասներկուամսյա գնաճը կազմել է 2.6%:
