ԱՄՆ պետդեպարտամենտի խոսնակ Ֆիլիպ Քրոուլին, փետրվարի 1-ի հայտարարությամբ Իրանի իշխանություններից պահանջեց կասեցնել մահապատիժները:
France Presse գործակալության փոխանցմամբ, Ֆիլիպ Քրոուլին հայտնել է, որ ԱՄՆ-ն խիստ մտահոգված է Իրանում մարդու իրավունքների ոտնահարման երևույթից, ու Իրանից պահանջել է կառչած մնալ մարդու իրավունքների միջազգային համաձայնագրերին:
Քրոուլին, մատնանշելով վերջերս Իրանում Հոլանդիայի քաղաքացի Զահրա Բահրամիի մահապատժի իրագործումը, հայտարարել է.
«ԱՄՆ-ն մասնավորապես Հոլանդիայի քաղաքացի Զահրա Բահրամիի սպանությունից հետո, որը նաև իր պետության հյուպատոսության հետ շփվելու հնարավորություն չի ունեցել, հայտնել է իր մտահոգությունը: Բահրամիի մահապատիժը վերջին շաբաթվա ընթացքում տեղի ունեցած տասնյակ մահապատիժներից մեկն էր, ուստի հարց է առաջանում` Իրանում բանտարկյալներն արդյոք օգտվո՞ւմ են իրենց քաղաքական ու քաղաքացիական իրավունքներից»:
