Ադրբեջանի իշխող «Ենի Ազերբայջան» կուսակցության գլխավոր քարտուղարի տեղակալ Մուբարիզ Գուրբանլին հայտարարել է, որ ամերիկյան դիվանագիտական ներկայացուցչությունը պետք է բացահայտի ահաբեկչության սպառնալիքի մասին հայտարարության պատճառները:
«Նման հայտարարությունները վախ ու լարվածություն են առաջացնում նաև մեր քաղաքացիների շրջանում: Կարծում եմ՝ ահաբեկչության մասին տեղեկությունը չի համապատասխանում իրականությանը, և հարցը պետք է լրջորեն ուսումնասիրվի»,- 1news.az-ին ասել է Գուրբանլին:
Նրա կարծիքով, ԱՄՆ դեսպանությանը պետք է պաշտոնապես հարցում ուղղվի ահաբեկչության հավանական սպառնալիքի մասին հայտարարություն անելու պատճառների մասին:
