Բելառուս հեծանվորդուհի Պոլինա Ժուկը մահացել է Տուլայի հիվանդանոցներից մեկում, որտեղ տեղափոխվել էր մայիսի 22-ին` «Տուլայի մեծ մրցանակ» մրցաշարի անցկացման ժամանակ վայր ընկնելուց հետո:
Տեղի լրատվամիջոցների հաղորդմամբ` մարզուհին մահացել է մայիսի 23-ի երեկոյան: Պոլինա Ժուկը 20 տարեկան էր: Մրցաշարին նա մասնակցում էր Բելառուսի երիտասարդական հավաքականի կազմում:
Մարզուհին վայր էր ընկել և գլուխը հարվածել մրցուղու բետոնե ծածկին: 1 օր նա գտնվել է կոմայի մեջ, որից չարթնանալով` մահացել է:
Նշենք, որ «Տուլայի մեծ մրցավազք» ամենամյա մրցաշարը հանդիսանում է նախնական փուլ՝ Լոնդոնում կայանալիք Օլիմպիական խաղերից առաջ: