Աբխազիայի Գալի քաղաքում տեղի է ունեցել հակամարտության գոտում զինված միջադեպերին արձագանքման և կանխման հնգակողմ հանդիպում, որտեղ քննարկվել է Գալիի շրջանի Չուբուխինջ գյուղում հունվարի 26-ին տեղի ունեցած միջադեպը,- տեղեկացնում է РИА-Новости-ն: Գալիի շրջանում Աբխազիայի նախագահի ներկայացուցիչ Ռուսլան Կիշմարիան տեղեկացրել է, որ հունվարի 26-ին զինված անձանց մի խումբ Վրաստանի կողմից ներթափանցել է Աբխազիա, սկսվել է փոխհրաձգություն, ինչը ստիպել է նրանց հեռանալ: Նա նաև նշել է, որ սա արդեն երկրորդ նման միջադեպն է վերջին շրջանում: Հանդիպմանը ներկա վրացական պատվիրակությունը չի մեկնաբանել այս տեղեկությունը: Հնգակողմ հաջորդ հանդիպում ը կայանալու է փետրվարի 22-ին: Դրան մասնակցում են Վրաստանի, Աբխազիայի, Ռուսաստանի, ԱՄՆ-ի և Եվրամիության ներկայացուցիչներ:
