Ինչպես հաղորդում է France Presse գործակալությունը, հղում անելով պետական հեռուստատեսությանը, եգիպտական բանակը հայտարարել է, որ գործող նախագահ Հոսնի Մուբարաքի հրաժարականի վերաբերյալ ցուցարարների պահանջներն օրինական են:
Բանակը նաև հայտարարել է, որ զինված ուժերը չեն օգտագործվելու հակակառավարական ուժերի դեմ պայքարում:
Քիչ առաջ նույն լուրը հաստատեց Al-Jazeera հեռուստաընկերությունը:
Ակնհայտ է, որ սա իշխանական վերնախավի ընդունած որոշման արդյունք է, այլ ոչ թե բանակի ղեկավարության կամայականությունը:
Հավանաբար սրանք մեկ ընդհանուր ծրագրի մի մասն են կազմում, որով Մուբարաքի հրաժարականը պակաս ցավալի պետք է լինի նրա շրջապատի համար:
Մուբարաքի թիմի մի մասն էլ կմնա իշխանության` ապահովելով մյուսների անձեռնմխելիությունը և անվտանգությունը:
«Առաջին լրատվականը» նաև հայտնել էր, որ մամուլում տեղեկություններ էին հայտնվել, համաձայն որի` իբր նորանշանակ փոխնագահ Օմար Սուլեյմանը Մուբարաքին առաջարկել է նրա հրաժարականի ծրագիրը` պետական կառավարման համակարգի որոշակի փոփոխություններով և բարեփոխումներով:
