2006 թ. Ռուսաստանից վրացի քաղաքացիների զանգվածային տեղահանության հայցով դատական գործի քննությունը Ստրասբուրգի Մարդու իրավունքների եվրոպական դատարանում կսկսվի այսօր` բանավոր լսումներով:
2007 թ. մարտի 26-ին Վրաստանը դատական գործ է հարուցել Ռուսաստանի դեմ մարդու իրավունքների խախտման հարցով:
Դատական գործընթացը կտևի մեկ շաբաթ. սկզբում դատավորը կլսի վրաց կողմի վկաներին, իսկ հետո` ռուսական կողմին:
Ելույթով հանդես կգա նաև ԵԽԽՎ Մոնիտորինգի հանձնաժողովի նախկին անդամ Մաթիաս Յորշը, ով այդ տարիներին հաշվետվություն է պատրաստել այս թեմայի վերաբերյալ և Վրաստանի մարդու իրավունքների պաշտպան Գեորգի Տուգիշինը:
Տեղեկացնենք, որ 2006 թ. հոկտեմբերի 2-ին ռուս-վրացական հարաբերությունների կտրուկ վատթարացման ֆոնին ռուսական կողմը հայտարարեց տրանսպորտային և փոստային կապերի դադարեցման մասին, իսկ աշնանը սկսվեց Վրաստանի քաղաքացիների տեղահանությունը:
Տեղահանվածներից շատերին Վրաստան տեղափոխեցին Ռուսաստանի արտակարգ իրավիճակների ինքնաթիռները, մի քանի խումբ էլ տեղափոխվեց երրորդ երկրով:
