Ավելի քան 100 գիտնականներ դիմել են ԱՄՆ նախագահ Բարաք Օբամային` կոչ անելով աջակցել Եգիպտոսի ժողովրդին:
Նրանց նամակը հրապարակվել է ինտերնետում:
Այն ստորագրել են 157 քաղաքագետներ, պատմաբաններ, հետազոտողներ, որոնք մասնագիտացած են մերձավորարևելյան հիմնահարցերում:
Գիտնականները կոչ են անում ԱՄՆ նախագահին «դուրս գալ հռետորաբանության շրջանակներից» և պաշտպանել ժողովրդավարական շարժումը Եգիպտոսում:
Նրանք շեշտում են, որ վերջին 30 տարվա մեջ միլիարդավոր դոլարներ են ծախսվել այս ռեժիմի ստեղծման և աջակցման համար, որից Եգիպոտսի ժողովուրդը փորձում է ազատվել:
Ըստ գիտնականների` եկել է ժամանակը, որպեսզի Ամերիկան միանա ցուցարարներին, որոնք պահանջում են Մուբարաքի հրաժարականը, և աջակցի նոր կառավարության ստեղծմանը այդ արաբական երկրում:
Նրանք նաև շեշտում են, որ քաղաքական, սոցիալական և տնտեսական բարեփոխումներն անհնար են, քանի դեռ Մուբարաքը գտնվում է իշխանության գլուխ:
Ըստ գիտնականների, անհրաժեշտ է հիմնովին փոխել վերաբերմունքը Եգիպտոսի նկատմամբ, և համագործակցել նրա հետ «ընդհանուր արժեքների հիմքով, այլ ոչ թե աշխարհաքաղաքական շահերով»: