Ամերիկյան Փորթ Սենթ Ջոն քաղաքի բնակչուհի 33-ամյա Թանյա Թոմասը կրակել է 12-17 տարեկան իր 4 երեխաների վրա, որից հետո ինքնասպան է եղել:
Ինչպես հաղորդում է The Huffington Post-ը՝ վկայակոչելով ոստիկանությանը, փրկարար ծառայություն զանգել է Թոմասների ընտանիքի հարևանուհին, որը կրակոցի ձայն է լսել:
Նա պատմել է, որ սկզբում երեք երեխաները թակել են իր դուռը և օգնություն խնդրել: Սակայն հետո մոր խնդրանքով վերադարձել են տուն, որտեղ և սպանվել են:
Դեպքի վայր ժամանած հատուկ նշանակության ոստիկանները տանը հայտնաբերել են 12-ամյա Ջոելի, 13-ամյա Ջեզլինի, 15-ամյա Ջեքսի և նրանց մոր անշունչ մարմինները: 17-ամյա Փիբբլսը դեռ ողջ է եղել, սակայն հիվանդանոցի ճանապարհին մահացել է:
Այս պահին հանցագործության դրդապատճառները հայտնի չեն: Թանյայի ծանոթներից մեկը պատմել է, որ ողբերգությունից առաջ ինքը նրանից sms-հաղորդագրություն է ստացել, որում նա խնդրել է իրեն հուղարկավորել երեխաների հետ, սակայն ինքը շատ ուշ է այն կարդացել: